Խոսելով ժամանակակից ֆուտբոլի և Բրազիլիայի հավաքականի մասին՝ Կառլո Անչելոտին նշել է, որ միայն բնատուր տաղանդն այլևս երաշխիք չէ Աշխարհի առաջնությունում հաղթելու համար։
Լրագրողն իտալացի մասնագետին հիշեցրեց 1994 թվականի Աշխարհի առաջնությունը, երբ Անչելոտին Իտալիայի հավաքականի մարզչի օգնականն էր, իսկ Իտալիան եզրափակիչում պարտվեց հենց Բրազիլիային։
Հարցին, թե արդյոք այսօր բրազիլական ֆուտբոլը հետ է մնում նախկին տեմպերից, և արդյոք բրազիլացիներն ի զորու են վերադարձնել իրենց առաջատարի դիրքերը, Անչելոտին տվել է խորագիտակ պատասխան.
«Բրազիլիան մի երկիր է, որն անընդհատ նոր խաղացողներ է կրթում ու բացահայտում։ Որպես օրինակ կարող ենք վերցնել Էնդրիկին կամ Էստևաոյին. նրանք շատ երիտասարդ և անհավանական տաղանդավոր ֆուտբոլիստներ են։ Տաղանդն, անշուշտ, արդյունք է երկրի գենետիկայի, կառուցվածքի, մշակույթի և հարուստ ավանդույթների։
Սակայն, եթե 30 տարի առաջ լոկ տաղանդը լիովին բավարար էր հաղթելու համար, ապա այսօր դա այլևս այդպես չէ։ Որպեսզի տաղանդը վճռորոշ դեր խաղա խաղադաշտում, այն պետք է անընդհատ սնուցել և ամրապնդել պրոֆեսիոնալիզմով, գիտելիքներով, ֆիզիկական հզորությամբ, լուրջ տրամադրվածությամբ և ամուր բնավորությամբ»։
