Գերմանիայի ֆուտբոլային միությունը (DFB) անորոշ ժամանակով հետաձգել է Գերմանիայի գավաթի խաղարկության եզրափակիչը՝ կորոնավիրուսի համաճարակի պատճառով: Այս մասին հաղորդվել է կազմակերպության պաշտոնական կայքում:
Հանդիպումը պետք է կայանար մայիսի 23-ին Բեռլինի «Օլիմպիական» ստադիոնում: Հանդիպման նոր ամսաթիվը հայտնի կդառնա ավելի ուշ:
«Բոլորն ակնկալում էին, որ Գերմանիայի գավաթի խաղարկության եզրափակիչ հանդիպումը իսկական տոն կլինի ֆուտբոլիստների և երկրպագուների համար: Դժբախտաբար, այս հանդիպումը, ամենայն հավանականությամբ, կկայանա առանց հանդիսականների», — ասում է DFB-ի նախագահ Ֆրից Կելերը:
Գերմանիայի գավաթի խաղարկությունը ընդհատվել էր կիսաեզրափակիչ փուլում: Պատմության մեջ առաջին անգամ չորրորդ դիվիզիոնի «Սաարբրուկեն» ակումբը պետք է խաղար կիսաեզրափակչում: Այդ փուլ էին հասել նաև մյունխենյան Բավարիան, Լևերկուզեն Բայերը և Ֆրանկֆուրտ Այնտրախտը:
Բունդեսլիգայի ղեկավարության նախօրեին հայտարարեց, որ համաճարակի պատճառով ընդհատված մրցաշրջանը կարող է վերսկսվել մայիսին: Հանդիպումները նախատեսվում է անցկացնել առանց հանդիսականների: Մարզադաշտում կկարողանան ներկա գտնվել ոչ ավելի, քան 213 հոգի `խաղացողներ, մարզիչներ, ակումբների և լրատվամիջոցների ներկայացուցիչներ:
Այս սցենարով մրցաշրջանը կարող է ավարտվել մինչև հունիսի 30-ը: Ֆուտբոլային մրցաշրջանի վերսկսման վերաբերյալ վերջնական որոշումը պետք է կայացնեն գերմանական իշխանությունները:
