Ռուսաստանի գործող չեմպիոն «Կրասնոդարը» կարող է պատժվել իր երկրպագուների վարքագծի պատճառով ՌՊԼ-ի 9-րդ տուրի՝ Սանկտ Պետերբուրգի «Զենիթի» դեմ տնային խաղում (0:2) տեղի ունեցածի համար։ Այս մասին հայտարարել է ՌՖՄ-ի վերահսկողական և կարգապահական կոմիտեի ղեկավար Արթուր Գրիգորյանցը։
««Կրասնոդարի երկրպագուները վիրավորական արտահայտություններ են վանկարկել «Զենիթ» ֆուտբոլային ակումբի հասցեին»,– Գրիգորյանցի խոսքերն է մեջբերում Match TV-ն։
Ռուսաստանի ընթացիկ առաջնությունում կայացած 9 տուրերից հետո Մուրադ Մուսաևի գլխավորած թիմը 19 միավորով զբաղեցնում է մրցաշարային աղյուսակի առաջին հորիզոնականը, իսկ պետերբուրգյան ակումբը 16 միավորով եզրափակում է լավագույն քառյակը։
