Ժոաու Նևեշը գոհունակություն է հայտնել դաշտի կենտրոն վերադառնալու և Պորտուգալիայի՝ Հայաստանի նկատմամբ խոշոր հաղթանակում (5:0) իր ներդրում ունենալու կապակցությամբ։
Խաղից հետո տված A Bola-ին տված հարցազրույցում ՊՍԺ-ի կիսապաշտպանը կիսվել է իր տպավորություններով։
«Սա ծանր խաղ էր, որը մեզանից շատ ուժեր խլեց։ Հայաստանը լավ թիմ ունի, նրանց ագրեսիվության մակարդակը բավական բարձր էր։ Մենք գիտեինք, որ խաղալու ենք ուժեղ մրցակցի դեմ, որը հենվում է տակտիկական սխեմաների և հակագրոհների վրա։
Այնուամենայնիվ, մենք կարողացանք չեզոքացնել նրանց խաղը։ Իմ կարծիքով, մենք մեկ մակարդակով բարձր ենք՝ թե՛ թիմային, թե՛ անհատական առումով։ Դա էր պատճառը, որ մենք միշտ ավելի մոտ էինք հաղթանակին»։
Հարցին, թե արդյոք հաղթանակը նվիրված էր Դիոգու Ժոտային, Նևեշը հուզվել է.
«Ժոտան միշտ մեզ հետ է՝ անկախ նրանից, թե որտեղ ենք խաղում։ Կրիշտիանու Ռոնալդուն գոլ խփեց 21-րդ րոպեին, և Կանսելուն այդ գոլը նվիրեց Ժոտային։ Դա գեղեցիկ պահ էր, որի ականատես լինելը հաճելի էր»։
Խոսելով դաշտի կենտրոնում խաղալու մասին՝ Նևեշը չի թաքցրել իր ուրախությունը.
«Ես կիսապաշտպան եմ, բայց դիրքը որոշում է մարզիչը։ Ես միշտ ամեն ինչ անում եմ՝ անկախ դիրքից։ Ինձ համար առաջնային է թիմի հաջողությունը, և ես պատրաստ եմ ամեն ինչ տալ ցանկացած դիրքում»։
Նա նաև անդրադարձել է խաղի ընթացքում իր ակրոբատիկ փորձին, երբ փորձել է գոլ խփել «մկրատ» հարվածով.
«Դա ինստինկտիվ որոշում էր։ Փորձեցի փոխանցում ստանալ տուգանային հրապարակում և խփել, բայց, ցավոք, չստացվեց»։
