UFC-ի մամուլի ծառայությունը հայտարարել է թեթև քաշային կարգի նախկին չեմպիոն Իսլամ Մախաչևի հաջորդ մենամարտի անցկացման օրն ու վայրը։
Այսպիսով, UFC 322-ի գլխավոր մենամարտի շրջանակում Մախաչևը կմենամարտի կիսամիջին քաշային կարգի գործող չեմպիոն, ավստրալացի Ջեք Դելա Մադալենայի դեմ։ Մենամարտը տեղի կունենա 2025 թվականի նոյեմբերի 15-ին, Նյու Յորքի «Մեդիսոն Սքուեր Գարդենում» (նոյեմբերի 16-ի առավոտյան՝ Երևանի ժամանակով)։
Ավելի վաղ Մախաչևը հրաժարվել էր UFC-ի թեթև քաշային կարգի չեմպիոնական տիտղոսից՝ կիսամիջին քաշային կարգի գոտու համար Մադալենայի դեմ մենամարտելու նպատակով։
