Պորտուգալիայի հավաքականի ձախ պաշտպան Նունու Մենդեշը ճանաչվել է ՈւԵՖԱ-ի Ազգերի լիգայի 2024/25 մրցաշրջանի եզրափակիչ փուլի լավագույն խաղացող։
Մյունխենում կայացած եզրափակիչ խաղում Պորտուգալիան հաղթանակ է տարել Իսպանիայի նկատմամբ, և Նունու Մենդեշը վճռորոշ դեր է խաղացել այդ հաջողության մեջ։ Նա խփել է իր առաջին գոլը հավաքականի կազմում՝ հավասարեցնելով հաշիվը եզրափակիչում, ինչպես նաև հստակ իրացրել է 11-մետրանոց հաշիվը։ Կիսաեզրափակիչում՝ Գերմանիայի դեմ խաղում, Մենդեշը գոլային փոխանցում էր կատարել։
Ընդամենը ութ օր առաջ նույն Մյունխենում նա Չեմպիոնների լիգայի գավաթը նվաճել էր «Փարիզ Սեն-Ժերմենի» կազմում։ Ազգերի լիգայի ընթացիկ խաղարկությունում Մենդեշը մասնակցել է Պորտուգալիայի հավաքականի բոլոր 10 հանդիպումներին՝ խաղադաշտում անցկացնելով ավելի շատ ժամանակ, քան որևէ այլ պորտուգալացի խաղացող։ Նա նաև առաջատար է եղել գոլային փոխանցումների քանակով՝ 6 ասիստ։
«Նա հիանալի էր ամբողջ մրցաշարի ընթացքում՝ ինչպես հարձակման, այնպես էլ պաշտպանության գծում։ Եզրափակիչում նա գոլ խփեց, իսկ կիսաեզրափակչում կատարեց գոլային փոխանցում», — նշել են ՈւԵՖԱ-ի տեխնիկական դիտորդները։
Նունու Մենդեշի վիճակագրությունը Ազգերի լիգա 2024/25-ում.
Խաղաժամանակ՝ 948 րոպե
Գոլեր՝ 1
Ասիստներ՝ 6
Վազած հեռավորություն՝ 82.8 կմ
Դրիբլինգներ՝ 8
Նախորդ հաղթողներ
2023 – Ռոդրի (Իսպանիա)
2021 – Սերխիո Բուսկետս (Իսպանիա)
2019 – Բեռնարդու Սիլվա (Պորտուգալիա)
