Մադրիդի «Ռեալը» վերջին փորձը կանի «Ռեալ Սոսյեդադի» կիսապաշտպան Մարտին Սուբիմենդիին գնելու համար, որի տրանսֆերը պահանջել էր «սերուցքայինների» գլխավոր մարզիչ Խաբի Ալոնսոն։ Այս մասին հաղորդում է AS-ը։
Աղբյուրի համաձայն՝ իսպանացի ֆուտբոլիստը դադարեցրել է բանակցությունները «Արսենալի» հետ, որը պատրաստ է «Ռեալ Սոսյեդադին» վճարել 60 միլիոն եվրո որպես նրա համար հրաժարագնի կետ, որպեսզի տեսնի, թե ինչ քայլեր են մտադիր ձեռնարկել «սերուցքայինները»։ Սուբիմենդին չի ցանկանում լքել Իսպանիան և ցանկանում է աշխատել Ալոնսոյի հետ, սակայն «Ռեալը» նպատակահարմար չի համարում վճարել 60 միլիոն եվրո։
«Արքայական ակումբը» մտադիր է նվազեցնել 26-ամյա խաղացողի հրաժարագնի կետի չափը՝ առաջարկելով սպիտակ-կապույտներին վարձակալությամբ վերցնել «Կաստիլյայի» կամ առաջին թիմի խաղացողներից մեկին։ Բացի այդ, «Ռեալ Մադրիդը» պատրաստ է Սուբիմենդիին առաջարկել 6-7 միլիոն եվրո աշխատավարձ, մինչդեռ «զինագործներն» առաջարկում են 10 միլիոն եվրո։
