Արթուր Ավետիսյանը՝ աշխարհի գավաթի խաղարկության բրոնզե մեդալակիր

Հայաստանի սպորտային մարմնամարզության հավաքականի անդամ, համաշխարհային Ունիվերսիադայի կրկնակի հաղթող Արթուր Ավետիսյանը բրոնզե մեդալ է նվաճել Խորվաթիայում ընթացող աշխարհի գավաթի խաղարկության չորրորդ փուլում։

Ավետիսյանը հանդես է եկել օղակների վարժության եզրափակչում։

Նա վաստակել 14,466 միավոր՝ զբաղեցնելով երրորդ տեղը։

Հայաստանի մյուս ներկայացուցիչ, Եվրոպայի կրկնակի փոխչեմպիոն Վահագն Դավթյանը օղակների վարժության եզրափակչում վաստակել է 14,033 միավոր։