«Բորնմուտի» իսպանացի մարզիչ Անդոնի Իրաոլան կարող է փոխարինել Անգելոս Պոստեկոգլուին «Տոտենհեմի» գլխավոր մարզչի պաշտոնում:
Ըստ New York Times-ի՝ «Տոտենհեմը» իսպանացի մասնագետին նշել է որպես ամառվա իրենց գլխավոր նպատակը, սակայն նրա հետ պայմանագիր կնքելու համար նրանք պետք է «Բորնմուտին» վճարեն 12 միլիոն եվրո փոխհատուցում։
Աղբյուրի համաձայն՝ Իրաոլան առաջ է անցել «Բրենտֆորդից» Թոմաս Ֆրանկից՝ կարճ ցուցակում: Մյուս թեկնածուն պորտուգալացի Մարկո Սիլվան է «Ֆուլհեմից»:
Հաղորդվում է, որ Անդոնի Իրաոլան կարող է մերժել «Տոտենհեմի» առաջարկը, եթե առաջարկ ստանա Մադրիդի «Ռեալից»:
