Հանս-Դիտեր Ֆլիկը խոսել է «Բարսելոնա»-«Բենֆիկա» առաջիկա հանդիպման մասին. թիմերը կհանդիպեն Չեմպիոնների լիգայի 1/8 եզրափակչում։ Առաջին հանդիպումը կկայանա մարտի 5-ին։
«Իհարկե, պետք է մտածել այն մասին, որ առջևում պատասխան հանդիպում է։ Վաղը հանդիպելու ենք Չեմպիոնների լիգայի լավագույն թիմերից մեկի հետ։ Նրանք շատ լավ հանդես եկան, շատ վստահ են: Մենք պետք է նրանցից լավը լինենք։
Նրանք ունեն իրենց սեփական պատկերացումը, թե ինչպես են ցանկանում հանդես գալ, իսկ մենք՝ մերը։ Երկու թիմերն էլ շատ լավ մարտավարություն ունեն։ Հուսով եմ՝ ավելի լավ կպատրաստվենք, քան նախորդ անգամ։ Ինչպես ասացի, դժվար հանդիպում է լինելու, և մենք հույս ունենք, որ ավելի լավ պատրաստ կլինենք»,- մեջբերում է «Բարսելոնայի» գլխավոր մարզիչին As-ը։
Այս թիմերի միջև նախորդ հանդիպումն ավարտվել էր «Բարսելոնայի»՝ 5-4 հաշվով հաղթանակով:
