Կրիշտիանու Ռոնալդուն պատասխանել է քննադատներին և պնդել, որ դեռ կիրք է զգում ֆուտբոլի հանդեպ։ Այս մասին տեղեկացնում է Goal.com-ը։
Պորտուգալացին շարունակում է լռեցնել նրանց, ովքեր կարծում են, որ իր կարիերան ավարտված է։ Ռոնալդուն վերջին տարիներին ապացուցում է, որ չի կարելի նրան դուրս թողնել խաղից։ Նրա պատմական հաջողությունները վկայում են, որ թերագնահատելը սխալ է։ Շատերն են նրան քննադատել՝ համոզելով ավարտել ֆուտբոլիստի կարիերան։ Նմանատիպ քննադատություներ են հնչել 2022 թվականին, երբ պորտուգալացին լքում էր «Մանչեսթեր Յունայթեդը»՝ որոշելով հանդես գալ Սաուդյան Արաբիայում։
Ռոնալդուն քննադատությունների է արժանացել Սաուդյան Pro League տեղափոխվելու համար, քանի որ դա որակվել է որպես ֆինանսական շահի համար արված քայլ։ Սակայն նա շարունակում է բարձր նշաձող սահմանել՝ «Ալ-Նասրի» կազմում 85 խաղում խփելով 74 գոլ։
39 տարեկանում Ռոնալդուն չի դանդաղում։ Netflix-ի նոր վավերագրական ֆիլմի գովազդային տեսահոլովակում, որը նվիրված է Սաուդյան Արաբիայի ֆուտբոլային կյանքին, Ռոնալդուն նշել է․ «Այստեղ եմ հաղթելու, ինչպես նաև լիգան ավելի լավը դարձնելու համար։ Ցանկանում եմ ժառանգություն թողնել։ Ասում են, որ ես սպառել եմ ինձ, որ այստեղ եմ միայն փողի համար։ Ես դեռ կիրք եմ զգում ֆուտբոլի հանդեպ։ Նրանք չեն հավատում դրան, բայց ես այստեղ եմ հենց այդ պատճառով»։
Սպասվում է, որ Ռոնալդուն կշարունակի խաղալ նույնիսկ պայմանագրի լրանալուց հետո։ Նա չի թաքցրել, որ ցանկանում է հասնել 1,000 գոլի իր կարիերայում՝ նախքան «թոշակի» անցնելը։
