Գերմանիայի հավաքականի գլխավոր մարզիչ Յուլիան Նագելսմանը խոսել է 2024 թվականի Եվրոպայի առաջնության մեկնարկի մասին։
«Ես դեռ երիտասարդ մարզիչ եմ և առանձնահատուկ բան կլինի տանը մասնակցել Եվրոպայի առաջնությանը և առաջին խաղն անցկացնել քաղաքում, որտեղ երկար ժամանակ ապրել ու մեծացել եմ։
Սա յուրահատուկ հանդիպում կլինի տնային Եվրոյի ժամանակ։ Մենք ճնշում ենք զգում, դա ֆուտբոլի մի մասն է: Եթե լավ սկսենք, Եվրոպայի այս առաջնությունում ամեն ինչ հնարավոր կլինի»,- Նագելսմանի խոսքն է մեջբերել Sky Sport-ը։
Գերմանիա — Շոտլանդիա հանդիպումը կմեկնարկի Երևանի ժամանակով 23։00-ին։
