«Վալենսիա» ֆուտբոլային ակումբի մամուլի ծառայությունը հայտարարություն է տարածել՝ կապված համանուն քաղաքի բազմահարկ բնակելի շենքում բռնկված ուժեղ հրդեհի հետ։
Հիշեցնենք, որ առնվազն չորս մարդ է մահացել14 հարկանի շենքում բռնկված հրդեհի հետևանքով, որը տարածվել է նաև դեպի հարևան շենք։ 19 մարդ դեռ համարվում է անհետ կորած։
«Ակումբը ցնցված է այս հինգշաբթի Վալենսիայում տեղի ունեցած սարսափելի հրդեհից, և մենք ցանկանում ենք մեր խորին ցավակցությունն ու կարեկցանքը հայտնել զոհերի ընտանիքներին և մերձավորներին։
Ակումբը խորապես ցավում է կատարվածի համար և ցանկանում է աջակցության խոսքեր փոխանցել բոլոր տուժածներին և հրապարակայնորեն շնորհակալություն հայտնել փրկարար ծառայության արժանի աշխատանքի համար։
Այս ուրբաթ տղամարդկանց առաջին թիմի, կանանց առաջին թիմի և ակադեմիայի թիմերի խաղացողներն ու մարզիչները մարզման մեկնարկին մեկ րոպե լռությամբ կհարգեն մահացածների հիշատակը: Բացի այդ, ակումբը հարցում է ուղարկել «Գրանադայի» հետ խաղը հետաձգելու մասին, որը կկայանա այս շաբաթ օրը»,- ասվում է ակումբի պաշտոնական կայքում։
