«Բարսելոնայի» գլխավոր մարզիչ Չավին, որն ընթացիկ մրցաշրջանի ավարտից հետո կլքի իր պաշտոնը, կարծում է, որ կատալոնական ակումբին փոփոխություններ են անհրաժեշտ։
«Ապագայի վերաբերյալ իմ որոշումը չի փոխվի։ Համոզված եմ, որ այս ակումբը փոփոխությունների կարիք ունի։ Հունիսին դեռ մի քանի ամիս կա, բայց կարծում եմ, որ իմ որոշումը անհրաժեշտություն է։ Դա ինձ ամենաշատն է համապատասխանում և, իհարկե, ակումբին»,- Չավիի խոսքերը մեջբերում է հայտնի լրագրող և ինսայդեր Ֆաբրիցիո Ռոմանոն X սոցիալական ցանցում (նախկինում՝ Twitter):
Հիշեցնենք, որ Չավին կատալոնացիների ղեկը ստանձնել է 2021 թվականի նոյեմբերից։ Ավելի վաղ իսպանացի մասնագետը հայտարարել էր, որ մրցաշրջանի ավարտից հետո կլքի «Բարսելոնան»։ Այս պահին կատալոնական ակումբի ղեկին Չավին երկու տիտղոս է նվաճել՝ 2022/2023 մրցաշրջանում դառնալով Իսպանիայի առաջնության և Սուպերգավաթի հաղթող:
