«Մանչեսթեր Սիթիի» գլխավոր մարզիչ Պեպ Գվարդիոլան Անգլիայի Պրեմիեր լիգայում թիմերի խաղից առաջ կիսվել է «Մանչեսթեր Յունայթեդի» մասին իր կարծիքով։
«Նրանք միշտ էլ վտանգավոր են: Կարևոր չէ, թե ով է նրանց մարզիչը, և ես նրանցից մի քանիսին եմ տեսել, նրանք միշտ կոշտ մրցակիցներ են, ովքեր ունեն բնավորություն և էներգիա: Նրանք կարող են իրենց լավագույն մարզավիճակում չլինել, իսկ հետո պարզապես գոլեր խփեն: Մենք գիտենք նրանց մակարդակը և չենք թերագնահատում այն։
Երբ ես մարզում էի «Բարսելոնան» և «Բավարիան», և մենք գալիս էինք Անգլիա՝ «Օլդ Թրաֆորդում» խաղալու, դա միշտ յուրահատուկ բան էր: Բայց վերջիվերջո, դա պարզապես ֆուտբոլային հանդիպում է, ոչ թե Անգլիայի գավաթի եզրափակիչի կամ մրցաշրջանի վերջին հանդիպումներից մեկի նման, որտեղ հաղթանակը կամ պարտությունը կարող է որոշել՝ թիմը կհաղթի Անգլիայի առաջնությունում, թե ոչ: Մենք դեռ 87 միավոր ունենք խաղալու, ուստի պետք է կենտրոնացած լինենք նրա վրա, թե ինչ պետք է անենք նրանց հաղթելու համար»,- Գվարդիոլայի խոսքերն է մեջբերում Manchester Evening News-ը:
