Լոնդոնյան թիմի տրանսֆերների վրա ավելի մեծ ազդեցություն կունենա «Չելսիի» գլխավոր մարզիչ Մաուրիսիո Պոչետինոն։ Այս մասին հայտնում է The Independent-ը։
Աղբյուրի համաձայն՝ հունվարյան տրանսֆերային պատուհանի համար ակումբի նպատակն է ուժեղացնել թիմի բացառապես խնդրահարույց հատվածները։ «Չելսիի» ղեկավարներն այլևս չեն ցանկանում թիմը գերհագեցնել ավելորդ խաղացողներով։
Նշվում է, որ Պոչետինոն տրանսֆերների վերաբերյալ վերջնական խոսքը կասի՝ դրանք «Չելսիի» տնօրինության հետ քննարկելուց հետո։ Ակումբը մտադիր է խաղացողների հետ պայմանագիր կնքել խստորեն համաձայն գլխավոր մարզչի կարիքների։
Հաղորդվում է, որ այս ձմռանը «Չելսիի» առաջնահերթությունը կենտրոնական հարձակվողի հետ պայմանագիր կնքելն է: Առաջին հերթին դիտարկվում են «Նապոլիի» և «Բրենթֆորդի» հարձակվողներ Վիկտոր Օսիմենի և Իվան Թոնիի թեկնածությունները։ Ավելի վաղ հաղորդվում էր, որ «Չելսին» հետաքրքրված է «Արսենալի» դարպասապահ Աարոն Ռեմսդեյլի ծառայություններով:
