Լուկակուն համաձայնվել է տեղափոխվել իտալական ակումբ

«Չելսիի» հարձակվող Ռոմելու Լուկակուն «Ռոմայի» գլխավոր մարզիչ Ժոզե Մոուրինյուին ասել է, որ պատրաստ է տեղափոխվել Հռոմ։

Այս մասին հայտնում է Football Italia-ն՝ հղում անելով Sky Sport Italia-ին։

Աղբյուրի փոխանցմամբ՝ բելգիացին զանգահարել է Մոուրինյուին և տվել իր համաձայնությունը հռոմեական թիմ տեղափոխվելու համար։

Ինչպես հայտնում է Calciomercato-ն, «Չելսիի» և «Ռոմայի» սեփականատերերը հանդիպում են անցկացրել, և այն դրական է ավարտվել։