«Լիվերպուլը» չի բանակցում «Պարի Սեն Ժերմենի» հետ հարձակվող Կիլիան Մբապեի վարձակալության վերաբերյալ: Այս մասին հայտնում է լրագրող Բեն Ջեյքոբսն իր «Թվիթեր»-ում։
Ավելի վաղ անգլիական լրատվամիջոցներում տեղեկություն էր հայտնվել, որ «Լիվերպուլը» ցանկանում է Մբապեին մեկ մրցաշրջանով վարձակալել, քանի որ անգլիական ակումբի ղեկավարությունը տպավորված է հարձակվողի վերաբերմունքով մերսիսայդցիների նկատմամբ և նրանով, որ ֆուտբոլիստի մայրը «Լիվերպուլի» հավատարիմ երկրպագու է:
Ավելի վաղ հաղորդվում էր, որ Մբապեի տրանսֆերով հետաքրքրված է նաև Լոնդոնի «Չելսին» և պատրաստ է ՊՍԺ-ին առաջարկել դրամական փոխհատուցում և որոշ խաղացողների՝ փոխանակման համար։
24-ամյա Մբապեի պայմանագիրը ՊՍԺ-ի հետ ավարտվում է մեկ տարուց։ Ավելի վաղ հայտնի էր դարձել, որ հարձակվողը չի ծրագրում այն երկարաձգել։
