ՊՍԺ-ն հետաքրքրված է «Բարսելոնայի» վինգեր Ուսման Դեմբելեի ծառայություններով։
Ինչպես հայտնում է As-ը, փարիզցիները կփորձեն պայմանագիր կնքել «Բարսայի» եզրային հարձակվողի հետ, եթե Կիլիան Մբապեն հեռանա թիմից։ ՊՍԺ-ի գլխավոր մարզիչ Լուիս Էնրիկեն հավանություն է տվել եզրային հարձակվողի հնարավոր տեղափոխությանը։
Օգոստոսի 1-ից Դեմբելեի՝ «Բարսայի» հետ պայմանագրում հրաժարագնի կետը կհասնի 100 միլիոն եվրոյի (հունիսին և հուլիսին այն կազմում է 50 միլիոն), մինչդեռ ֆուտբոլիստի պայմանագիրն ուժի մեջ է մինչև 2024 թվականը։ «Բարսելոնան» պատրաստ է բանակցություններ սկսել ՊՍԺ-ի հետ։
Նախկինում կատալոնական ակումբը բանակցություններ էր վարում Դեմբելեի հետ՝ պայմանագիրը մինչև 2027 թվականը երկարաձգելու համար։
