Կիրակի օրը կայանալիք «Աթլետիկի» դեմ խաղը կարող է վերջինը լինել Կարիմ Բենզեմայի համար «Ռեալում»:
Մադրիդի «Ռեալը» տեղյակ է, որ ֆրանսիացին առաջարկ ունի Սաուդյան Արաբիայից։ Հարձակվողի հեռանալու հավանականությունը մեծ է, ասել են լրագրողներ Անտոն Մեանան և Մանու Կարենյոն Cadena SER-ի եթերում:
Բենզեմայի մտերիմները չեն հերքում, որ հարձակվողն առաջարկ է ստացել, և առաջարկում են, որ որոշում կկայացվի այս շաբաթ՝ «Աթլետիկի» դեմ խաղից առաջ, որը կլինի «Ռեալի» համար այս մրցաշրջանի եզրափակիչ հանդիպումը։
Մադրիդի «Ռեալի» երկրպագուները գիտեն, որ առաջիկա հանդիպումը Բենզեմայի համար կարող է վերջինը լինել ակումբի հետ և արդեն հրաժեշտի միջոցառում են պատրաստում նրա համար։
Լրագրող Ֆաբրիցիո Ռոմանոն հայտնում է, որ Բենզեմայի առաջարկն արել է «Ալ-Իթթիհադը»։ Ակումբը սպասում է Կարիմի պատասխանին որքան հնարավոր է շուտ։ Հարձակվողին առաջարկվում է պայմանագիր՝ մեկ մրցաշրջանում մոտ 100 մլն եվրո աշխատավարձով։
Բենզեմայի որոշմանը սպասում է նաև Մադրիդի «Ռեալը»։ Առաջարկի մասին խաղացողն արդեն տեղեկացրել է Ֆլորենտինո Պերեսին։
