Մարկո Ռոյսը երկարաձգել է պայմանագիրը «Բորուսիայի» հետ։
Դորտմունդյան թիմի կիսապաշտպանը պայմանագիր է ստորագրել՝ մինչև 2024 թվականը։
«Մենք՝ որպես թիմ, ինչպես մեր բոլոր երկրպագուները, ունենք մեկ մեծ նպատակ, որի վրա բոլորս կենտրոնացած ենք՝ մենք ցանկանում ենք դառնալ Գերմանիայի չեմպիոն, և մեզ պետք է, որ «Բորուսիայի» յուրաքանչյուր խաղացող հասնի այդ նպատակին:
Բայց նույնիսկ դրանից զատ, ես դեռ մեծ ցանկություն ունեմ ամեն ինչ անելու այն ակումբի համար, որտեղ անցկացրել եմ կյանքիս կեսից ավելին։ Ինձ համար դեռևս չկա ավելի լավ բան, քան գոլեր խփել աշխարհի լավագույն երկրպագուների առջև և աշխարհի ամենագեղեցիկ մարզադաշտում և միասին տոնել դրանք։
Այդ իսկ պատճառով ես ուրախ եմ, որ երկարաձգեցի պայմանագիրս ևս մեկ տարով: Ես միշտ ասել եմ, որ գերադասում եմ չխաղալ այլ ակումբում, բացի Դորտմունդի «Բորուսիայից»,-Ռոյսի խոսքերն է փոխանցում ակումբի պաշտոնական կայքը։
Մարկոն Դորտմունդում հանդես է գալիս 2012/13 մրցաշրջանից։
