«Միլանի» ու Իտալիայի հավաքականի դարպասապահ Ջանլուիջի Դոնարուման մեկնաբանել է ազգային թիմի՝ Եվրո-2020-ի եզրափակիչ փուլ դուրս գալը: Իտալիայի ընտրանին 7-րդ տուրում տանը 2-0 հաշվով հաղթեց Հունաստանի հավաքականին: Դարպասապահը նաև կարծիք է հայտնել թիմի գլխավոր մարզիչ Ռոբերտո Մանչինիի մասին:
«Մենք ամեն դեպքում ուզում էինք հաղթանակի հասնել:
Երկրորդ խաղակեսում մենք գերազանց մեկնարկեցինք ու հաղթեցինք: Երկրպագուները սքանչելի էին: Մթնոլորտը հիանալի էր: Այս հաղթանակը նվիրում ենք մեր երկրպագուներին: Հուսով եմ՝ հետագա խաղերում էլ նույնկերպ հաջող հանդես կգանք:
Ինչ վերաբերում է Մանչինիին՝ նա գերազանց մարզիչ է: Մենք լսում ենք նրան: Նա լավ սկզբունքների վրա հենվում: Մենք բոլորս լսում ենք նրան, մենք պետք է անենք դա նաև Եվրոպայի առաջնության ընթացքում, քանի որ նա, անկասկած, մեզ ճիշտ ուղղով կտանի», — Դոնարումայի խոսքերն է մեջբերել Calciomercato-ն:
