«Մանչեսթեր Յունայթեդի» դարպասապահ Դավիդ դե Խեան մեկնաբանել է Չեմպիոնների լիգայի 1/8 եզրափակչի պատասխան խաղում իր թիմի կրած պարտությունն «Ատլետիկոյից» (0-1.
«Մենք շատ վշտացած ենք այս արդյունքից: Այս զգացողությունը դժվար է բառերով նկարագրելը: Երկու խաղերում մենք հաղթում էինք հաղթանակի համար: Տխուր օր է մեզ համար: «Ատլետիկոն» շատ փորձառու թիմ է, որը գիտի՝ ինչպես խաղալ նման խաղերում: Մենք պայքարում էինք մինչև վերջ, բայց մեր ուժերը չբավականացրին»,- դե Խեայի խոսքերն է փոխանցում ՈՒԵՖԱ-ի պաշտոնական կայքը:
Իսպանացի դարպասապահն «Ատլետիկոյի» սան է: 2011 թվականին տեղափոխվել է ՄՅՈՒ:
ՉԼ 1/8 եզրափակչի պատասխան խաղում «Մանչեսթեր Յունայթեդը» սեփական հարկի տակ ընդունել է «Ատլետիկոյին»: Խաղն ավարտվել է իսպանական թիմի՝ 1-0 հաշվով հաղթանակով: Միակ գնդակը հեղինակել է Ռենան Լոդին: Մադրիդյան թիմը դուրս է եկել քառորդ եզրափակիչ:
