«Լիվերպուլի» հարձակվող Մոհամեդ Սալահը մտադիր չէ իսպանական որևէ ակումբ տեղափոխվել։ Այս մասին հայտնում է լրագրող Ֆաբրիցիո Ռոմանոն Թվիթերի իր էջում։
Աղբյուրի փոխանցմամբ, եգիպտացի ֆուտբոլիստը առաջիկա ամռանն անգլիական ակումբից հեռանալու վերաբերյալ դեռևս վերջնական որոշում չի կայացրել։ Սալահի գործող պայմանագիրը «Լիվերպուլի» հետ նախատեսված է մինչև 2023 թվականի ամառը։
Այս պահին հարձակվողը կենտրոնացած է «Լիվերպուլում» իր աշխատանքի վրա։ Նշվում է, որ Սալահի նոր պայմանագրի շուրջ բանակցությունները դեռևս վերսկսված չեն։ Ավելի վաղ հաղորդվում էր, որ ֆուտբոլիստի ծառայություններով հետաքրքրված է «Բարսելոնան»։
Հիշեցնենք՝ Սալահը «Ռոմայից» է տեղափոխվել «Ռոմա»՝ 2017 թվականին։ Ընթացիկ մրցաշրջանում 29-ամյա ֆուտբոլիստն Անգլիայի առաջնության 26 հանդիպման է մասնակցել, որոնցում դարձել է 20 գոլի և 10 գոլային փոխանցման հեղինակ։
