ՈւԵՖԱ-ի նախագահ Ալեքսանդր Չեֆերինը խոսել է ֆինանսական ֆեյր-փլեյի կանոնների հնարավոր փոփոխությունների մասին։
«Ինչ վերաբերում է ֆինանսական ֆեյր-փլեյի կանոնների փոփոխություններին, ապա դրանք կքննարկվեն ՈՒԵՖԱ-ի գործկոմում, գարնանը։ Մենք պետք է որոշման գանք մինչև մրցաշրջանի ավարտը։ Պետք է ուղիներ գտնել մրցակցային հավասարակշռությունը բարելավելու համար։
Միևնույն հինգ ակումբները չեն կարող միշտ հաղթել։ Պետք է մտածել դրա մասին։ Ամենամեծ խնդիրն այն է, որ պետք է թույլ տալ ներդրումներ կատարել ակումբում, այլապես ներդրումները կգնան այլ տեղ։
Բայց դրանք ևս պետք է վերահսկվեն։ Չգիտեմ՝ շքեղության հարկ մտցնե՞նք. գաղափարն այն է, որ տոկոսը շատ բարձր կլինի, և ամեն ինչ կհասնի նրանց, ովքեր հարգում են ֆինանսական ֆեյր-փլեյը: Սա մի ճանապարհ է, բայց կան ուրիշ ճանապարհներ ևս»,- Չեֆերինի խոսքերն է մեջբերում Journal du Dimanche-ը:
