«Ռեալի» գլխավոր մարզիչ Կառլո Անչելոտին խոսել է թիմի հարձակվող Գարեթ Բեյլի մասին։ Թիմի գլխավոր մարզիչն աջակցել է ուելսցուն և ընդգծել, որ վերջինս կարող է լիարժեք վերադառնալ «Ռեալի» կազմ։
«Ռեալ» վերադառնալուց հետո Բեյլն ընդամենը 3 խաղի է մասնակցել մադրիդցիների կազմում․
«Առաջին հերթին կցանկանամ ասել, որ ես նրա հայրը չեմ։ Հնարավոր է՝ վերջին շրջանում Բեյլն այնքան էլ հաջող հանդես չի եկել «Ռեալում»։ Բայց ոչ ոք չի մոռանում, թե նա ինչ է արել թիմի համար։ 2014 թվականին նա մեզ օգնեց հաղթել Չեմպիոնների լիգայում, Իսպանիայի Գավաթում։ 2018 թվականին նա դարձյալ օգնեց տիտղոս նվաճել Չեմպիոնների լիգայում։
Երկրպագուներն այդ մասին չեն մոռանում։ Այո, հիմա նրա համար լավագույն շրջանը չէ, բայց մենք պետք է պահպանենք հավատը նրա նկատմամբ։ Երբ նա վերադառնա ազգային թիմից, մենք կտեսնենք։ Եթե նա լավ խաղա, ապա տեղ կստանա թիմի կազմում»,- ասել է Անչելոտին։
Ուելսցի հարձակվողը բաց է թողել վերջին երկու ամիսը վնասվածքի պատճառով։ Նա գրեթե լիովին վերականգնվել է վնասվածքից։
