«Բարսելոնայի» ավագ Լիոնել Մեսսին խոսել է թիմի նախկին գլխավոր մարզիչ Տիտո Վիլանովայի մասին, որը մահացել էր 2014 թվականին քաղցկեղից։
«Տիտոն գերազանց գիտեր՝ ինչպես է ամեն ինչ կառուցված։ Այն արժեքները, որ իր մեջ կրում է այս ակումբը, նրա օրոք ամեն ինչում արտացոլվում էին։ Նա շատ համեստ մարդ էր, որը շատ բան կարող էր ասել։
Վիլանովան ինձ հետ մտերիմ էր, հիանալի մարդ էր»,- ասել է Մեսսին Վիլանովային նվիրված 100×100 Tito փաստավավերագրական ֆիլմում։
Վիլանովան կատալոնական ակումբը գլխավորել է 2012/13 մրցաշրջանում։ Այդ ժամանակ «Բարսելոնան» հաղթեց Իսպանիայի առաջնությունը։
