Դանիական «Հոբրոյի» և Հայաստանի հավաքականի կիսապաշտպան Էդգար Բաբայանի գործակալ Կոյկու Կագլարը մեկնաբանել է ֆուտբոլիստի նկատմամբ «Սոչիի» կողմից հետաքրքրության մասին տեղեկատվությունը:
«Հնարավո՞ր է Էդգարը տեղափոխվի «Սոչի»: Նա պատրաստ է Ռուսաստանում խաղալու համար: Ես բանակցում եմ ռուսական ակումբների հետ, կտեսնենք:
Միևնույն ժամանակ, ես շփվում եմ եվրոպական ակումբների հետ և չեմ կարող ասել, որ նա 100%-ով կխաղա Ռուսաստանում: Նրանով հետաքրքրված են շատ ակումբներ, Էդգարն այս մրցաշրջանում Դանիայում գոլային փոխանցումների արքան է», — ասել է Կագլարը Sport24-ի տված հարցազրույցում:
2019/20 մրցաշրջանում Բաբայանը «Հոբրոյի» կազմում անցկացրել է 33 հանդիպում բոլոր մրցաշարերում, խփել է վեց գոլ և կատարել 12 գոլային փոխանցում: 24-ամյա խաղացողի պայմանագիրը գործում է մինչև 2021 թվականի հուլիս: Transfermarkt-ը Բաբայանի տրանսֆերային արժեքը գնահատում է 700 հազար եվրո:
