Այսօր՝ նոյեմբերի 9-ին, Սոչիի ռեստորաններից մեկում երկրպագուներին է ներկայացվել ակումբի նորեկ, Հայաստանի հավաքականի ֆուտբոլիստ Էրիկ Վարդանյանը:
«Սոչիի» կիսապաշտպանը պատասխանել է ակումբի երկրպագուների և լրագրողների հարցերին:
«Ես հինգ տարի անցկացրել եմ «Բարսելոնայի» ակադեմիայում, իսկ վերջերս խաղացել եմ «Փյունիկում»։ Կար կարիերայի շարունակության մի քանի տարբերակներ։ Ամռանը եկել էի «Լոկոմոտիվ»՝ պայմանագիր կնքելու, բայց արդյունքում համաձայնության չհասանք։
Ցավոք, վերջերս սխալվեցի հանդիպումներից մեկում, ոչ կոռեկտ պահեցի ինձ մրցավարի նկատմամբ, ինչի համար որակազրկվեցի վեց ամսով։ Շատ եմ ափսոսում այդ արարքի համար, այլևս նման բան չի կրկնվի։ Հուսով եմ՝ որակազրկման ժամկետը կկրճատվի, որպեսզի արդեն գարնանային առաջին տուրերից խաղամ «Սոչիի» կազմում։ Ինձ շատ է դուր գալիս թիմը, քաղաքը։ Ցանկանում եմ մինչև մրցաշրջանի ավարտը 10 գոլ խփել»,- հայ ֆուտբոլիստի խոսքերն է մեջբերում Спорт Экспресс-ը:
