«Միլանի» գլխավոր մարզիչ Ստեֆանո Պիոլին մեկնաբանել է Ա Սերիայի 29-րդ տուրի՝ ՍՊԱԼ-ի հետ խաղում գրանցված ոչ-ոքին։
«Ինչ վերաբերում է արդյունքին՝ մենք մի քայլ հետ արեցինք, որովհետև ուզում էինք շարունակել հաղթանակների շարքը։ Բայց, ցավոք, ստանդարտ դիրքից գոլ բաց թողեցինք, իսկ հետո Ֆլոկարին կրկնապատկեց մրցակցի առավելությունը։ Իսկ, երբ ՍՊԱԼ-ը մնաց 10 հոգով, սկսեցինք շտապել ու չէինք գիտակցում, որ բավականաչափ ժամանակ ունենք խաղի ընթացքը փոխելու համար։ Մեզ սրությունն էր պակասում, չափազանց շատ էինք շտապում։
Մենք կարող ենք շատ ավելի լավ խաղալ նաև տեխնիկայի ու փոխանցումների առումով։ Մեզ երեք դժվար խաղեր են սպասվում՝ «Լացիոյի», «Յուվենտուսի» ու «Նապոլիի» հետ։ Մենք ի զորու ենք հաղթել։ Հուսով եմ՝ մրցաշրջանի ավարտին 7-րդից բարձր տեղ կգրավենք, որովհետևմիավորներով շատ չենք զիջում «Նոպոլիին» կամ «Ռոմային»։ Մեզ առաջվա պես պակասում է այն, ինչը թույլ կտար հաղթել մեզ հավասար թիմերին»,-Պիոլիի խոսքերն է փոխանցում Sky Sports Italia-ն։
