Ռուսաստանի Դաշնության Հանրային պալատի անդամ Սուլթան Համզաևը կոչ է արել UFC-ի իռլանդացի մարտիկ Քոնոր Մաքգրեգորին ՌԴ ՔՕ 282-րդ հոդվածով ներգրավել որպես մեղադրյալ դաղստանցիներին վիրավորելու համար:
Անցած շաբաթ Մաքգրեգորն այցելել էր Մոսկվա, որտեղ մամուլի ասուլիս էր տվել ու որի ընթացքում չէր խուսափել Դաղստանի ներկայացուցիչների և անձամբ Խաբիբ Նուրմագոմեդովի հասցեին հնչեցրած կտրուկ արտահայտություններից:
«Քոնորի խոսքերը ռասիզմ են։ Ես նրան մեղադրում եմ Դաղստանի հասարակության հասցեին ռասիստական արտահայտության մեջ։ Կասկածում եմ, որ ԱՄՆ-ում, օրինակ, եթե Քոնորը նման բան հայտարարեր հնդկական խմբի նկատմամբ, նրա հետ ինչ-որ մեկը կպահեր պայմանագիրը։
Ռուսաստանը բանանային երկիր չէ, այլ գերտերություն է։ Եվ մեր օրենսդրության շրջանակներում իրավապահ մարմիններից պահանջում ենք կոնկրետ արձագանք։ Պահանջում ենք նրան պատասխանատվության ենթարկել 282-րդ հոդվածով։ Մենք նրանից ներողություն ենք պահանջում Դաղստանի ժողովրդի համար։
Մաքգրեգորի հայտարարությունները քաղաքական բնույթ են կրում։ Դա արդեն կոմերցիոն բնույթ չէ։ Նրա հայտարարությունները արհեստականորեն պատրաստված բնույթ էին կրում։ Մենք հասկանում ենք, որ Մաքգրեգորը չի հասկանում Ռուսաստանի ներքին իրավիճակը։ Նրան ինչ-որ մեկը պատրաստել է։ Թող պատմի, թե ով։
Եթե նա ուզում է այստեղ գալ, նա պետք է համապատասխանի Ռուսաստանի Դաշնության օրենքներին։
Ես դիմեցի ՌԴ գլխավոր դատախազ Յուրի Չայկային։ Հայտարարությունն արդեն ուղարկվել է դատախազություն», – Խամզաևի խոսքը մեջբերում է Sport24-ը ։
