Իտալիայի ֆուտբոլային լիգան փոխել է կանոնները երկրի Գավաթի ընթացիկ խաղարկության մնացած խաղերի համար:
Goal-ը հայտնում է, որ մրցաշարի այս խաղարկությունում չեղարկվել է լրացուցիչ ժամանակը: Սա արվել է նրա համար, որ ֆուտբոլիստները խուսափեն լրացուցիչ ծանրաբեռնվածությունից և վնասվածքներից:
Այդուհանդերձ, 1/2 եզրափակիչ փուլում պահպանվել է արտագնա գոլի կանոնը: Հետխաղյա 11-մետրանոց հարվածաշարը կկայանա միայն այն դեպքում, եթե պատասխան խաղի հիմնական ժամանակի արդյունքներով ընդհանուր հաշիվը հավասար կլինի՝ թիմերի մոտ միևնույն քանակության արտագնա գոլերով:
Այս պահին Իտալիայի Գավաթի խաղարկությունում անցկացվել են կիսաեզրափակչի առաջին հանդիպումները: Հունիսի 12-ին կմրցեն «Յուվենտուսն» ու «Միլանը», որոնց միջև առաջին խաղն ավարտվել է 1-1 հաշվով: Հաջորդ օրը՝ հունիսի 13-ին, կկայանա «Նապոլի»-«Ինտեր» խաղը: Թիմերի միջև առաջին խաղն ավարտվել է տանտերերի՝ 1-0 հաշվով հաղթանակով:
