«Մանչեսթեր Սիթիի» պաշտպան Քայլ Ուոքերը մեկնաբանել է ԶԼՄ-ների հաղորդագրություններն այն մասին, որ այս շաբաթ նա 3 անգամ խախտել է կարանտինը՝ այցելելով հարազատներին։
Ավելի վաղ խաղացողը ներողություն էր խնդրել, որ ինքնամեկուսացման շրջանում իր տուն մարմնավաճառների էր կանչել։
«Վերջերս կյանքիս ամենադժվար շրջաններից էր, ինչի համար լիարժեք պատասխանատվութուն եմ կրում։ Բայց հիմա ինձ մոտ այնպիսի զգացողություն է՝ ասես ինձ թույնում են։ Իսկ դա արդեն ոչ միայն ինձ վրա է ազդում, այլև՝ ընտանիքիս ու փոքր երեխաներիս»,-գրել է Ուոքերը թվիթերյան իր էջում։
Խաղացողը հայտնել է, որ չորեքշաբթի օրը գնացել է Շեֆֆիլդ՝ քրոջ ծննդյան տարեդարձին ու նվեր է տվել նրան, իսկ հետո այցելել է ծնողներին, որպեսզի նրանց համար պատրաստված սնունդ փոխանցի։
«Ի՞նչ են արել ծնողներս ու քույրս։ Մի՞թե նրանք արժանի էին, որ նրանց անձնական կյանքին խառնվեն ինձ հետևող լուսանկարիչները։ Ես միշտ զգում եմ, որ ինձ հետևում են»,- ավելացրել է ֆուտբոլիստը։
