Ֆուտբոլի Անգլիայի առաջնության ընթացիկ խաղարկության հետագա ընթացքի վերաբերյալ դեռևս հստակ տեղեկություն չկա։ Սակայն դա չի խանգարում ակումբներին մտածել նաև գալիք մրցաշրջանի անելիքների մասին։
Sky Sports-ի փոխանցմամբ՝ Պրեմիեր լիգայի ակումբները քննարկել են 2020-21 թվականների մրցաշրջանը առանց հանդիսականների անցկացնելու տարբերակը։
Վերջնական որոշման մասին տեղեկություն չկա։ Հարցը թերևս քննարկումների փուլում է միայն։
Կորոնավիրուսի պանդեմիայի պատճառով ֆուտբոլի Անգլիայի առաջնությունը դադարեցված է։
