«Բարսելոնայի» բրազիլացի ֆուտբոլիստ Ռաֆինյան մեկնարկել է մրցաշրջանը ֆանտաստիկ մարզավիճակում։
Լա Լիգայի մրցաշրջանի առաջին 4 խաղերում խփած 6 գոլերի շնորհիվ Ռաֆինյան կրկնել է ակումբի լեգենդ Լիոնել Մեսսիի պատմական ցուցանիշը, որը նման արդյունք էր գրանցել 13 տարի առաջ:
Իսկ ինչ վերաբերում է 21-րդ դարին, ապա Ռաֆինյան այս դարում ընդամենը երկրորդ ֆուտբոլիստն է, որը Լա Լիգայի մրցաշրջանի առաջին չորս խաղերում խփել է վեց գոլ։ Մեսսին առաջինն էր՝ դա անելով երկու անգամ «Բարսելոնայի» կազմում՝ 2012-2013 և 2013-2014 մրցաշրջաններում։
Նոր նվաճումների շեմին
Այս հիանալի արդյունքից հետո Ռաֆինյան հնարավորություն ունի գրելու ակումբային պատմության ևս մեկ փայլուն էջ. նրան մնում է աչքի ընկնել Լա Լիգայի մեկնարկային հինգերորդ խաղում անընդմեջ: Հարկ է նշել, որ «կապտանռնագույնների» կազմում նման բացառիկ հաջողության նախկինում հասել են միայն երկու ֆուտբոլիստ՝ Սեսար Ռոդրիգեսը և Զլատան Իբրահիմովիչը։
