Իտալիայի Ա Սերիայի 2026/2027 մրցաշրջանի առաջին տուրում Միլանի «Ինտերը» սեփական հարկի տակ՝ «Ջուզեպպե Մեացա» մարզադաշտում, ընդունեց նորեկ «Մոնցային»։ Գործող չեմպիոնները վստահ մեկնարկեցին նոր առաջնությունում՝ հաղթելով 4:1 հաշվով։
Հայաստանի ազգային հավաքականի նախկին կիսապաշտպան Հենրիխ Մխիթարյանը հայտավորված չէր «ներաձուրիների» կազմում այս խաղին՝ դեղին քարտերի քանակության պատճառով որակազրկման համար։
Հանդիպման հաշիվը 6-րդ րոպեին բացեց «Ինտերի» կիսապաշտպան Հական Չալհանօղլուն։ 29-րդ րոպեին «Մոնցայի» հարձակվող Գուստավու Վարելան վերականգնեց հավասարությունը, սակայն երկրորդ խաղակեսում դաշտի տերերը վճռեցին խաղի ելքը։
48-րդ րոպեին Պյոտր Զելինսկին առաջ մղեց միլանյան թիմին, յոթ րոպե անց Ֆրանչեսկո Էսպոզիտոն խփեց երրորդ գոլը, իսկ 63-րդ րոպեին պաշտպան Յան Բիսեկը ձևակերպեց վերջնական հաշիվը՝ 4:1։
Հիշեցնենք, որ նախորդ մրցաշրջանի արդյունքներով «Ինտերը» 87 միավորով դարձել էր Ա Սերիայի չեմպիոն, իսկ «Մոնցան», Բ Սերիայում զբաղեցնելով երրորդ տեղը, փլեյ-օֆֆում հաղթել էր «Կատանձարոյին» և նվաճել բարձրագույն դիվիզիոնի ուղեգիր։
Հաջորդ տուրում՝ օգոստոսի 30-ին, «Ինտերը» արտագնա խաղում կմրցի «Կալյարիի» հետ, իսկ «Մոնցան» օգոստոսի 29-ին կընդունի «Ուդինեզեին»։
Տեսանյութը՝ ԱՅՍՏԵՂ
Մրցաշարային աղյուսակն այս պահին
