Աշխարհի առաջնության կիսաեզրափակիչում Եվրոպայի գործող չեմպիոն Իսպանիայի ազգային հավաքականը 2-0 հաշվով վստահ հաղթանակ տարավ Ֆրանսիայի ընտրանու նկատմամբ և նվաճեց եզրափակիչի ուղեգիր:
Հանդիպման հաշիվը 22-րդ րոպեին բացեց Միկել Օյարսաբալը՝ անվրեպ իրացնելով նշանակված 11-մետրանոց հարվածը: Երկրորդ խաղակեսում իսպանացիները կրկնապատկեցին իրենց առավելությունը. 58-րդ րոպեին Դանի Օլմոյի փոխանցումից հետո աչքի ընկավ Պեդրո Պոռոն՝ ձևակերպելով հանդիպման վերջնական հաշիվը:
Հատկանշական է, որ Իսպանիան աշխարհի առաջնության եզրափակիչ դուրս եկավ 16 տարի անց: Նախորդ անգամ դա տեղի էր ունեցել 2010 թվականին, երբ իսպանացիներն իրենց պատմության մեջ առաջին և դեռևս միակ անգամ դարձան աշխարհի չեմպիոն:
Այսպիսով, Իսպանիայի հավաքականը եզրափակիչում կսպասի Անգլիա — Արգենտինա զույգի հաղթողին: Մյուս կիսաեզրափակիչ դիմակայությունը նախատեսված է վաղը՝ ժամը 23:00-ին, իսկ մեծ եզրափակիչը կանցկացվի հուլիսի 19-ին:
Գոլերը՝ ԱՅՍՏԵՂ
