Իտալիայի Ա Սերիայի 2025/2026 մրցաշրջանի 32-րդ տուրի շրջանակում Միլանի «Ինտերը» հյուրընկալվելիս ուժերը չափեց «Կոմոյի» հետ և գոլառատ ու դրամատիկ խաղում վաստակեց 3 միավոր։ Կոմոյի «Ջուզեպպե Սինիգալիա» մարզադաշտում կայացած հանդիպումն ավարտվեց հյուրերի կամային հաղթանակով՝ 4:3 հաշվով։
Հանդիպման առաջին խաղակեսն անցավ դաշտի տերերի առավելությամբ: 36-րդ րոպեին հաշիվը բացեց Ալեքս Վալյեն, իսկ 45-րդ րոպեին կիսապաշտպան Նիկոլաս Պասը կրկնապատկեց «Կոմոյի» առավելությունը։ Այնուամենայնիվ, դեռևս առաջին կեսի վերջնամասում՝ 46-րդ րոպեին, Մարկուս Թյուրամը կրճատեց հաշվի տարբերությունը՝ հույս արթնացնելով միլանյան թիմի համար:
Երկրորդ խաղակեսում «ներաձուրիները» ամբողջությամբ բեկեցին հանդիպման ընթացքը։ 49-րդ րոպեին Թյուրամը ձևակերպեց իր դուբլն ու վերականգնեց հավասարությունը, իսկ 58-րդ և 72-րդ րոպեներին աչքի ընկավ պաշտպան Դենզել Դումֆրիսը՝ նույնպես դառնալով դուբլի հեղինակ ու 2 գնդակի առավելություն ապահովելով «Ինտերի» համար։ Հիմնական ժամանակի ավարտին՝ 89-րդ րոպեին, տանտերերի կիսապաշտպան Լուկաշ Դա Կունյան անվրեպ իրացրեց 11-մետրանոցը՝ ձևակերպելով վերջնահաշիվը:
Հանդիպմանը մասնակցեց նաև «Ինտերի» հայ կիսապաշտպան Հենրիխ Մխիթարյանը։ Նա խաղադաշտ դուրս եկավ հանդիպման 78-րդ րոպեին՝ օգնելով թիմին պահպանել կարևոր հաղթական հաշիվը:
Այս հաղթանակից հետո «Ինտերը» 75 միավորով (32 խաղից հետո) շարունակում է վստահորեն գլխավորել Իտալիայի առաջնության մրցաշարային աղյուսակը։ «Կոմոն» իր ակտիվում ունի 58 միավոր և զբաղեցնում է 5-րդ հորիզոնականը։
Տեսանյութը՝ ԱՅՍՏԵՂ
Մրցաշարային աղյուսակն այս պահին
