Մադրիդի «Ատլետիկոյի» հարձակվող Անտուան Գրիզմանը սոցիալական ցանցերում յուրօրինակ կերպով տոնել է թիմի՝ Իսպանիայի գավաթի խաղարկության եզրափակիչ դուրս գալը՝ հիշեցնելով կատալոնական «Բարսելոնային» նրանց իսկ հին հրապարակումը։
Նախապատմությունը սկսվում է 2025 թվականի մարտից։ Այն ժամանակ «Բարսելոնան» սոցցանցերում տարածել էր մի լուսանկար, որտեղ Գրիզմանը հիասթափված հետևում էր, թե ինչպես են կատալոնական ակումբի ֆուտբոլիստները տոնում «Ատլետիկոյի» նկատմամբ տարած հաղթանակը։
Ուղիղ մեկ տարի անց մադրիդյան ակումբը ռևանշի հասավ։ 2025/26 մրցաշրջանի Իսպանիայի գավաթի կիսաեզրափակիչում Դիեգո Սիմեոնեի գլխավորած թիմը երկու խաղերի հանրագումարում 4-3 հաշվով պայքարից դուրս թողեցին հենց «Բարսելոնային»։ Ֆրանսիացի հարձակվողը բաց չի թողել առիթը և հրապարակել է խաղային դրվագներից մեկի իր լուսանկարը՝ կից գրելով.
«Այս նկարն էլ է շատ կոպի՞տ»՝ ավելացնելով երեք ժպտացող էմոջի։
Посмотреть эту публикацию в Instagram
Այսպիսով, «Ատլետիկոն» 2013 թվականից ի վեր առաջին անգամ նվաճեց Իսպանիայի գավաթի եզրափակիչի ուղեգիր։ Վերջին անգամ մադրիդցիները մրցաշարի վճռորոշ խաղում հանդես են եկել 13 տարի առաջ, երբ 2-1 հաշվով առավելության հասան Մադրիդի «Ռեալի» նկատմամբ և նվաճեցին տիտղոսը։
Գավաթի եզրափակիչում «Ատլետիկոյի» մրցակիցը կլինի «Ռեալ Սոսյեդադ» — «Ատլետիկ Բիլբաո» զույգի հաղթողը։
