Երեկ՝ փետրվարի 12-ին, Իսպանիայի գավաթի խաղարկության կիսաեզրափակչի առաջին խաղում Հանս-Դիտեր Ֆլիկի գլխավորած թիմը հյուրընկալվելիս խոշոր՝ 0-4 հաշվով պարտություն կրեց Մադրիդի «Ատլետիկո Մադրիդից»։ Թեև թիմերը դեռ պետք է անցկացնեն պատասխան հանդիպումը, սակայն կատալոնացիների համար չափազանց բարդ կլինի չեզոքացնել առաջին խաղում գրանցված հաշվի տարբերությունը և դուրս գալ եզրափակիչ։
Այս ֆոնին համացանցում տարածվել է մի տեսանյութ, որտեղ Մադրիդի «Ռեալ Մադրիդի» բրազիլացի հարձակվող Վինիսիուս Ժունիորը Nike-ի միջոցառման ժամանակ ստրիմեր Իբայ Լյանոսի հետ զարմացած ծիծաղում է։ The Touchline-ի հաղորդմամբ՝ բրազիլացի ֆուտբոլիստի նման արձագանքի պատճառը հենց սկզբունքային մրցակցի ջախջախիչ պարտությունն է եղել։
Հիշեցնենք, որ ընթացիկ մրցաշրջանում «Բարսելոնան» և «Ռեալը» արդեն փոխանակվել են հաղթանակներով։ Լա լիգայի շրջանակում ուժեղ են գտնվել մադրիդցիները (2-1), իսկ Իսպանիայի Սուպերգավաթի եզրափակիչում հաղթել են կատալոնացիները (3-2)։
Իսպանիայի գավաթի խաղարկության «Բարսելոնա» – «Ատլետիկո Մադրիդ» պատասխան հանդիպումը կկայանա մարտի 3-ին, Երևանի ժամանակով՝ 00:00-ին։
When Vini heard about Atlético 4-0 Barça
He was
@postunited pic.twitter.com/jxF4dUF7qC
— 433 (@433) February 13, 2026
