Անգլիայի ազգային հավաքականի և «Լիվերպուլի» նախկին պաշտպան, ներկայումս հայտնի ֆուտբոլային փորձագետ Ջեյմի Կարագերը սուր քննադատության է ենթարկել Մադրիդի «Ռեալի» առաջատարներից Վինիսիուս Ժունիորին։
YouTube-յան CBS Sports Golazo ալիքի եթերում Կարագերը հայտարարել է, որ հենց բրազիլացի եզրային հարձակվողն է դարձել թիմի գլխավոր մարզիչ Խաբի Ալոնսոյի պաշտոնանկության հիմնական պատճառը։
«Վինիսիուսը թիմի գլխավոր խնդիրն է։ Հենց նրա պատճառով Ալոնսոն զրկվեց «Ռեալում» իր աշխատանքից։ Ես քաջատեղյակ եմ, թե ինչպես է գործում այդ մեխանիզմը. մարզչի հեռացման պատճառը հենց նա է», — նշել է Կարագերը։
Հիշեցնենք, որ Խաբի Ալոնսոյի հեռանալուց հետո «արքայական» ակումբի ղեկը ստանձնել է Ալվարո Արբելոան։ Վինիսիուս Ժունիորի գործող պայմանագրի ժամկետը «Ռեալի» հետ նախատեսված է մինչև 2027 թվականի հունիսը։
Transfermarkt-ը 25-ամյա բրազիլացու տրանսֆերային արժեքը գնահատում է 150 միլիոն եվրո։
