Կատարի մայրաքաղաք Դոհայում ընթացող կայծակնային շախմատի աշխարհի առաջնության առաջին փուլից հետո հայ շախմատիստներն առաջատարների շարքում են։
Տղամարդկանց առաջնությունում Հայկ Մարտիրոսյանը 13 հնարավորից ունի 9 միավոր և կիսում է 10-20-րդ հորիզոնականները: Հաջորդ խաղափուլում Հայկը կմրցի աշխարհում ամենաբարձր վարկանիշ ունեցող շախմատիստ Մագնուս Կարլսենի հետ:
Արամ Հակոբյանն ունի 8.5 միավոր, Ռոբերտ Հովհաննիսյանը՝ 8 միավոր:
Կանանց առաջնությունում Էլինա Դանիելյանը 10 հնարավորից ունի 7 միավոր և կիսում է 7-17-րդ հորիզոնականները:
Տղամարդկանց առաջնությունը կանցկացվի 19 խաղափուլով, իսկ կանանց առաջնությունը՝ 15 խաղափուլով:
Երկրորդ խաղային օրը կմեկնարկի այսօր՝ դեկտեմբերի 30-ին, Երևանի ժամանակով 15:00-ին:
