🎥 ՉԼ. Արսենալը հաղթեց Բավարիային, ՊՍԺ-ն՝ Տոտենհեմին, Լիվերպուլը ջախջախիչ պարտություն կրեց, այլ արդյունքները

Չեմպիոնների լիգայի 2025/26 թթ. խաղարկության լիգայի փուլի հինգերորդ տուրում Լոնդոնի «Արսենալը» սեփական հարկի տակ վստահ հաղթանակ տարավ Մյունխենի «Բավարիայի» նկատմամբ (3:1)։

«Զինագործների» կազմում հանդիպման հաշիվը 22-րդ րոպեին անկյունային խաղարկումից հետո բացեց Յուրիեն Տիմբերը։ 10 րոպե անց մյունխենցիների 18-ամյա հարձակվողը Լենարտ Կառլը վերականգնեց հաշվի հավասարակշռությունը՝ 1:1։

69-րդ րոպեին լոնդոնցիները կրկին առաջ անցան հաշվի մեջ՝ Նոնի Մադուեկեն խփեց իր առաջին գոլը «Արսենալի» կազմում։ Խաղի վերջնական հաշիվը 76-րդ րոպեին ձևակերպեց փոխարինման մտած Գաբրիել Մարտինելին՝ գնդակն ուղարկելով «Բավարիայի» անպաշտպան մնացած դարպասը։

Լիգայի փուլի վեցերորդ տուրում մյունխենյան գրանդը տանը կընդունի Լիսաբոնի «Սպորտինգին», իսկ «Արսենալը» կհյուրընկալվի «Բրյուգեին»։ Հանդիպումները կկայանան համապատասխանաբար դեկտեմբերի 9-ին և 10-ին։

Հանդիպման գոլերը՝ ԱՅՍՏԵՂ

Զուգահեռաբար ընթացող խաղում գրանցվեց հետևյալ հաշիվը․

• «Ատլետիկո Մադրիդ» – «Ինտեր»՝ 2-1, հանդիպման գոլերը ԱՅՍՏԵՂ
• «Այնտրախտ Ֆրանկֆուրտ» – «Ատալանտա»՝ 0-3, հանդիպման գոլերը ԱՅՍՏԵՂ
• «Լիվերպուլ» – ՊՍՎ՝ 1-4, հանդիպման գոլերը ԱՅՍՏԵՂ
• ՊՍԺ – «Տոտենհեմ»՝ 5-3, հանդիպման գոլերը ԱՅՍՏԵՂ
• «Սպորտինգ Լիսաբոն» –  «Բրյուգե»՝ 3-0, հանդիպման գոլերը ԱՅՍՏԵՂ

Չեմպիոնների լիգայի մրցաշարային աղյուսակը՝ ստորև․