Մադրիդի «Ռեալի» հարձակվող Կիլիան Մբապեն կարծում է, որ մարդիկ չափազանց շատ են քննարկում «Բարսելոնայի» եզրային հարձակվող Լամին Յամալի ոչ ֆուտբոլային կյանքը:
«Մարդիկ չափից շատ են խոսում նրա անձնական կյանքի մասին: Կարծում եմ, նրանք պետք է նրան հանգիստ թողնեն: Ֆուտբոլի դաշտում նա հիանալի խաղացող է, բայց կյանքում ընդամենը 18 տարեկան տղա է», – Մբապեի խոսքերը մեջբերում է COPE-ն:
Ընթացիկ մրցաշրջանում 18-ամյա Յամալը մասնակցել է բոլոր մրցաշարերի հինգ հանդիպման, որոնցում նա դարձել է երկու գոլի և չորս գոլային փոխանցման հեղինակ: Խաղացողի գործող աշխատանքային պայմանագիրը ակումբի հետ նախատեսված է մինչև 2031 թվականի ամառը: Transfermarkt պորտալի տեղեկատվության համաձայն՝ ֆուտբոլիստի շուկայական արժեքը կազմում է € 200 մլն։
