Նորվեգիայի Ֆյորդե քաղաքում ընթացող ծանրամարտի աշխարհի առաջնությունում բուլղարացի 21-ամյա ծանրորդ Կառլոսը Նասարը կարիերայում երորդ անգամ նվաճեց աշխարհի չեմպիոնի տիտղոսը։ Բուլղարացի մարզիկը նոր քաշային կարգում (94 կգ) ցուցադրեց բացառիկ կամքի ուժ. պոկում վարժությունից հետո չորրորդ տեղում լինելով՝ հրում վարժությունում շանս չտվեց մրցակիցներին։
Մրցույթի ընթացքում Նասարը սկսեց 173 կիլոգրամից, սակայն ձախողեց 178 և 182 կգ-ի մոտեցումները։ Արդյունքում, պոկում վարժությունում նա գրանցեց 173 կգ և զբաղեցրեց չորրորդ տեղը։ Այս վարժությունում ոսկին նվաճեց իրանցի Ալիռեզա Մոեինի Սեդեհը՝ 182 կիլոգրամով սահմանելով նոր համաշխարհային ռեկորդ։
Սակայն հրում վարժությունում Նասարը ցույց տվեց իր բարձրակարգ վարպետությունն ու հոգեբանական կայունությունը։ Նա հաջողությամբ սկսեց 210 կգ-ից, որից հետո բարձրացրեց 219 կգ, ինչը անհասանելի էր մրցակիցների համար։ Այս ցուցանիշը ապահովեց բուլղարացու համար ոսկե մեդալն ու աշխարհի չեմպիոնի տիտղոսը երրորդ անգամ։
Այսպիսով, բուլղարացին հաղթեց 395 կիլոգրամ ընդհանուր երկամարտի արդյունքով, որը ձևավորվեց նաև հրում վարժությունում սահմանված 222 կգ համաշխարհային ռեկորդի շնորհիվ։
Посмотреть эту публикацию в Instagram
21-ամյա Նասարը ապշեցուցիչ հաջողությամբ արդեն ունի երեք աշխարհի, երեք Եվրոպայի և մեկ օլիմպիական տիտղոս։ Այսպիսով, նա իր անունը դասում է բուլղարական ծանրամարտի պատմության մեծագույն անունների կողքին, ինչպիսիք են Ասեն Զլատևը, Բլագոյ Բլագոևը, Ալեքսանդր Վարբանովը, Յոտո Յոտովը և Զլատան Վանևը։
Մրցելույթից հետո 94 կիլոգրամ քաշային կարգում ծանրամարտի աշխարհի նոր չեմպիոն Կառլոս Նասարը հայտարարեց, որ չափազանց ուրախ է իր հաջողության համար, և հատկապես այն փաստի, որ կարողացել է ուրախացնել բոլոր նրանց, ովքեր աջակցել են իրեն դեպի գագաթ տանող ճանապարհին։
«Ես ամենաշատն եմ մոտիվացվում, երբ բոլորը կարծում են, որ ես ձախողվելու եմ: Պոկումը իմ ուժեղ կողմը չէ: Անցյալ տարի ես հաջողություն ունեի դրանում, բայց գիտեի, որ դա իմ մասնագիտությունը չէ: Այնուամենայնիվ, ես ընտրեցի գրոհել համաշխարհային ռեկորդը, քան պարզապես մեդալ նվաճել», — ասել է նա հաղթանակից հետո:
Նասարը այս տիտղոսը համարել է իր կարիերայի ամենակարևորներից մեկը.
«Շատ մարդիկ ինձ աջակցում էին, շատերը ցանկանում էին, որ ես հաղթեմ, և ես նրանց տվեցի այն, ինչ նրանք ակնկալում էին: Իմ առաքելությունն իրականացավ: Շնորհակալ եմ բոլորին, ովքեր կանգնած էին իմ կողքին: Ես ձեզ սիրում եմ: Ես ստիպեցի իրանցիներին զգալ բուլղարական ուժի խորությունը: Ես նաև նրանց հույս տվեցի, որ կարող են հաղթել ինձ, բայց հենց դա է ամենից շատ ցավ պատճառում»:
Ծանրամարտիկը նաև ընդգծել է, որ չի պատրաստվում կանգ առնել և կշարունակի ձգտել նոր նվաճումների.
«Մենք երբեք չենք դադարում աշխատել, և հենց դրա շնորհիվ եմ ես այսքան հաջողությունների հասել: Իմ ձայնը կորել է այն բոլոր հույզերից, որոնք ես ապրել եմ»:
