Մադրիդի «Ռեալի» գլխավոր մարզիչ Խաբի Ալոնսոն «Մետրոպոլիտանո» մարզադաշտի մամուլի սրահում խոսել է լրագրողների հետ՝ վերլուծելով Լա Լիգայի 7-րդ տուրի մադրիդյան դերբին «Ատլետիկոյի» դեմ.
«Մենք վատ խաղ ցուցադրեցինք։ Խաղը սկսեցինք անհաջող, և ընդհանուր թիմային խաղը չստացվեց։ Չցուցադրեցինք պահանջվող մակարդակը ո՛չ գնդակով, ո՛չ առանց գնդակի։ Մենք դեռևս թիմ ենք կառուցում, և սա մեր առաջին պարտությունն է։ Սակայն դրանով ամեն ինչ չի ավարտվում։ Պետք է դասեր քաղենք ապագայի համար։ Պարտությունը արդարացի էր, և մեզ պակասեց արագությունը։ Այս պարտությունն իսկապես ցավալի է»։
«Սա օգտակար ձախողում է ապագայի համար։ Մենք չափազանց թույլ էինք մենամարտերում և երկար փոխանցումների ժամանակ, իսկ գնդակով խաղում լուծումներ չգտանք։ Ընդհանուր առմամբ, սա թույլ խաղ էր, և պարտությունն արդարացի էր։ Ֆուտբոլում պարտություններ լինում են, և սա մեր առաջինն է։ Վստահ ենք, որ դասեր կքաղենք։ Պարտությունը արդար էր, և մենք բողոքներ չունենք մրցավարի վերաբերյալ։ Սա մեր առաջին պարտությունն է, և այն ցավալի է։ Մենք մեծ պատասխանատվություն ենք զգում և պետք է առաջ նայենք։ Սեզոնը նոր է սկսվել, և սա այն մակարդակը չէ, որով ցանկանում ենք հանդես գալ»։
Ռեակցիայի մասին
«Մենք գոհ չենք այսօրվա խաղից, բայց չենք մոռանում, թե որտեղից ենք սկսել։ Կառուցման գործընթացում միշտ էլ լինում են դժվար օրեր։ Կարևորն այն է, թե ինչպես կարձագանքենք և ինչպես կբարելավվենք։ Պետք է դրականը վերցնենք այս ցավից»։
Բելինգհեմի՝ մեկնարկային կազմում ընդգրկվելու մասին
«Մեզ բոլոր խաղացողներն էլ պետք են, և մենք լավ էինք մարզվել։ Պարտվում էինք մենամարտերում և չէինք կարողանում գնդակը հետ վերցնել հակառակորդի կիսադաշտում։ Կվերլուծենք որոշումները և դասեր կքաղենք։ Չենք մոռանա այս ծանր պարտությունը։ Սա կառուցման գործընթաց է, և այսօր չհասանք ցանկալի մակարդակին։ Պետք է ինքնաքննադատ լինենք, եզրակացություններ անենք և բարելավվենք»։
Ինչն է ամենաշատն անհանգստացնում պարտության մեջ
«Ամենաշատն անհանգստացնում է, թե ինչու մեզ պակասեց այդ ինտենսիվությունը։ Մենք բավարար չափով չպայքարեցինք և այն մակարդակում չէինք, որն անհրաժեշտ է նման խաղերի և մրցակիցների դեմ։ Պետք է բարձրացնենք մեր խաղի մակարդակը»։
Խոսակցություն ընդմիջման ժամանակ
«Ընդմիջման ժամանակ խոսեցինք նոր խաղ սկսելու մասին, բայց չկարողացանք դա անել։ Կային հանգամանքներ՝ 11 մետրանոց, տուգանային հարված, գնդակի կորուստ։ Մենք չխաղացինք մեր սովորական մակարդակով և արդարացիորեն պատժվեցինք»։
Աղբյուրը՝ «Ռեալի» պաշտոնական կայք
