Ինչպես արդեն տեղեկացրել էինք, երեկ՝ սեպտեմբերի 18-ին, Երևանում կայացավ Հայաստանի և Հունաստանի մինչև 17 տարեկանների հավաքականների երկրորդ հանդիպումը։
Խաղն ավարտվեց մարտական ոչ-ոքիով՝ 2:2 հաշվով։ Խաղից հետո ՀՖՖ-ի մամուլի ծառայությանը մեկնաբանություններ տվեցին խաղում աչքի ընկած ֆուտբոլիստները։
«Ես շատ վստահ էի իմ ուժերի վրա, վերցրի գնդակը և գիտեի, որ գոլ եմ խփելու։ Ստացվեց։ Առաջին խաղում մի փոքր անվստահ էինք, բայց երկրորդ խաղում վստահությունն ավելացավ, և մենք ավելի լավ արդյունք գրանցեցինք»,- նշել է Արմեն Ղազարյանը։
«Խաղի սկզբից զգում էի, որ կարող եմ գոլ խփել։ Եկավ այդ պահը, խփեցի գոլս։ Իհարկե, մեկ այլ պահի չստացվեց խփել, բայց նման բաներ լինում են ամեն խաղում։ Մինչև վերջ հավատացի և գնացի առաջ, ու խփեցի գոլս։ Թիմակիցներս շատ լավ ենք հասկանում միմյանց։ Իմ կարծիքով, թիմային շահերն ավելի կարևոր են, քան անհատականը։ Կարևոր է հավատալ և՛ ինքներս մեզ, և՛ մեր ընկերներին, և՛ մարզիչներին»,- ասել է Մհեր Հարությունյանը։
