«Բարսելոնայի» եզրային հարձակվող Լամին Յամալը պատմել է, թե ինչպես է մայրը արձագանքել իր՝ դպրոց գնալու ցանկության բացակայությանը։
«Առաջին տարում ես լավ էի սովորում, բայց երկրորդ տարում ամեն ինչ այլ կերպ էր։ Կարծում եմ, Մատարոյից հեռանալուց հետո չէի կարողանում հարմարվել այլ սոցիալական խավի մարդկանց հետ ապրելուն։
Դադարեցի դասերի գնալ․ ինձ հարմարավետ չէի զգում։ «Լա Մասիայում» գտնվող մարդկանց հետ լավ էի շփվում, բայց դպրոցում չէի կարողանում հարմարվել։ Կցանկանայի սովորել, բայց չեմ կարծում, որ դրա համար եմ ստեղծված։
Մի օր ծնողներիս ասացի․ «Եթե ուզում եք ինձ ստիպել սովորել, ոչինչ չի ստացվի, բայց եթե ուզում եք, որ ֆուտբոլիստ դառնամ, մի անհանգստացեք, ես կդառնամ»։ Մայրս ասում էր, որ չեմ խաղա, եթե չսովորեմ։ Ես մայրիկիս ասում էի․ «Կգնամ դպրոց, բայց ոչինչ չեմ անի, փոխարենը կպատրաստվեմ մարզումներին»։ Նա չէր հասկանում ինձ։ Բայց ես վստահ էի, որ եթե կենտրոնանամ, անպայման կդառնամ ֆուտբոլիստ։
Ես ուզում էի դա բացատրել նրան, բայց չհաջողվեց․ նա ամեն օր նախատում էր ինձ։ Նույնիսկ երբ ես նորամուտս նշեցի «Բարսելոնայի» կազմում, շարունակում էր հանդիմանել, որովհետև պետք է սովորեի, բայց ես չէի սովորում։
Ես խորհուրդ եմ տալիս մարդկանց չանել այն, ինչ արել եմ ես, որովհետև գուցե ֆուտբոլիստ չդառնայի»,- Յամալի խոսքերն է մեջբերում AS-ը։
Ընթացիկ մրցաշրջանում 18-ամյա խաղացողը կատալոնական ակումբի կազմում մասնակցել է 3 հանդիպման՝ դառնալով 2 գոլի և 2 գոլային փոխանցման հեղինակ։
