ՈՒԵՖԱ Կոնֆերենցիաների լիգայի 2025/2026 մրցաշրջանի լիգայի փուլում Հայաստանի չեմպիոն «Նոան» կմրցի հետևյալ թիմերի հետ՝ լեհական «Լեգիայի», խորվաթական «Ռիեկայի», չեխական «Սիգմայի», ուկրաինական «Դինամո Կիևի», շոտլանդական «Աբերդինի» և ռումինական «Ունիվերսիտատյա Կրայովայի» դեմ։
«Նոան» տնային խաղերում կընդունի «Լեգիային», «Ռիեկային» և «Սիգմային», իսկ արտագնա խաղեր կանցկացնի Ուկրաինայում, Շոտլանդիայում և Ռումինիայում։
Եկեք ավելի մանրամասն ծանոթանանք Հայաստանի չեմպիոնի մրցակիցներին։
«Լեգիա» (Լեհաստան)
- Ընդհանուր արժեքը: 35.80 մլն եվրո
- Գլխավոր մարզիչ: Էդվարդ Յորդենեսկու
- Ներքին առաջնություն: 4 խաղից հետո 7 միավորով զբաղեցնում է 9-րդ հորիզոնականը։
- Հետաքրքիր փաստ: Թիմում հանդես է գալիս Հայաստանի հավաքականի կիսապաշտպան Վահան Բիչախչյանը։
«Ռիեկա» (Խորվաթիա)
- Ընդհանուր արժեքը: 35.73 մլն եվրո
- Գլխավոր մարզիչ: Ռադոմիր Ջալովիչ
- Ներքին առաջնություն: 4 խաղում 4 միավորով 6-րդ տեղում է։
«Սիգմա» (Չեխիա)
- Ընդհանուր արժեքը: 16.58 մլն եվրո
- Գլխավոր մարզիչ: Թոմաշ Յանոչկա
- Ներքին առաջնություն: 6 խաղից հետո 10 միավորով զբաղեցնում է 6-րդ հորիզոնականը։
«Դինամո Կիև» (Ուկրաինա)
- Ընդհանուր արժեքը: 88.90 մլն եվրո
- Գլխավոր մարզիչ: Օլեքսանդր Շովկովսկի
- Ներքին առաջնություն: Վստահորեն գլխավորում է մրցաշարային աղյուսակը՝ 3 խաղում 9 միավորով, խփած/բաց թողնված գոլերի հաշվով՝ 10/2։
«Աբերդին» (Շոտլանդիա)
- Ընդհանուր արժեքը: 18.30 մլն եվրո
- Գլխավոր մարզիչ: Յիմի Տելին
- Ներքին առաջնություն: Ընթացիկ մրցաշրջանում անցկացրել է 2 խաղ և երկուսում էլ պարտվել՝ զբաղեցնելով մրցաշարային աղյուսակի վերջին տեղը։
«Ունիվերսիտատյա Կրայովա» (Ռումինիա)
- Ընդհանուր արժեքը: 22.50 մլն եվրո
- Գլխավոր մարզիչ: Միրել Ռեդոյ
- Ներքին առաջնություն: Նախորդ մրցաշրջանի բրոնզե մեդալակիրը փայլուն ելույթ է գրանցում՝ 7 խաղում 6 հաղթանակ և 1 ոչ-ոքի, խփած/բաց թողնված գոլերի հաշվով՝ 16/8, գլխավորում է մրցաշարային աղյուսակը։
Մրցաշարային աղյուսակը՝ 36 մասնակիցներով
