Մադրիդի «Ռեալի» իսպանացի կիսապաշտպան Դանի Սեբալյոսի ապագան կախված է ոչ միայն ֆրանսիական «Մարսելի» հետաքրքրությունից, այլև մադրիդյան ակումբի մարզչական շտաբի որոշումից։ Այս մասին հայտնում է ESPN-ը։
Աղբյուրի տեղեկություններով՝ «սերուցքայինները» պատրաստ են դիտարկել Սեբալյոսի վարձակալության տարբերակը՝ հետագա գնման պարտավորությամբ, սակայն վաճառքի գինը պետք է կազմի առնվազն 15-20 միլիոն եվրո։
Նշվում է, որ իրավիճակը բարդանում է Խաբի Ալոնսոյի դիրքորոշման պատճառով։ Իսպանացի մասնագետը չի ցանկանում բաց թողնել կիսապաշտպանին, մինչև ակումբը չգտնի նրան արժանի փոխարինող։ Տրանսֆերային շուկայում համապատասխան թեկնածու գտնելը հեշտ գործ չէ, ինչն էլ կարող է հետաձգել բանակցությունները։
29-ամյա Սեբալյոսի գործող պայմանագրի ժամկետը «արքայական» ակումբի հետ նախատեսված է մինչև 2027 թվականի հունիսի 30-ը։
